title

           

მთავარი გვერდი
aids

DONATION

 

უფასოდ ჩაიტარეთ ანონიმური/კონფიდენციალური კონსულტირება
და ტესტირება აივ ინფექცია/შიდსზე

აივ-ით (ადამიანის იმუნოდეფივიტის ვირუსით) დაინფიცირების საშიშროება ყველა ადამიანს აქვს, მაგრამ გადადების რისკი იზრდება გარკვეული ქცევების არსებობის შემთხვევაში. ამიტომ გაიგე თქვენი აივ სტატუსი, თუ:

  • ერთხელ მაინც გაგიკეთებიათ ნარკოტიკი.
  • თქვენი მეუღლე/სქესობრივი პარტნიორი არის ან იყო ნარკოტიკის მომხმარებელი.
  • გქონიათ შემთხვევითი დაუცველი სქესობრივი კონტაქტები.
  • გაქვთ ან გქონდათ რომელიმე სქესობრივი გზით გადამდები ინფექცია.
  • გადატანილი გაქვთ ან ამჟამად ავად ხართ B ან C ან D ჰეპატიტის ვირუსით.
  • დაგიდგინდათ ტუბერკულოზი.
  • ხშირად იტარებთ სამედიცინო მანიპულაციებს.
  • გაგიკეთებიათ ტატუირება ან პირსინგი.
  • ხართ სისხლის რეციპიენტი.

თუ ფიქრობთ, რომ ერთხელ მაინც გქონდათ ზემოთ ჩამოთვლილი რომელიმე სარიკსო ფაქტორი, ნუ გადადებთ, მიაკითხეთ შიდსის ცენტრს ან დაგვიკავშირდით ცხელ ხაზზე  239 80 18

რატომ არის საჭირო, ადამიანმა იცოდეს საკუთარი აივ სტატუსი?

  • რათა დროულად მოხდეს მკურნალობის დაწყება, რომელიც აჩერებს დაავადების პროგრესირებას და მნიშვნელოვნად ახანგრძლივებს სიცოცხლეს.
  • რათა ინფიცირებულმა ადამიანმა მეტი ყურადღება მიაქციოს თავის ჯანმრთელობას და თავიდან აიცილოს სხვა ადამიანების, მათ შორის ახლობლების, ინფიცირება და შესაბამისად - დაავადების გავრცელება.
აივ ინფექცია/შიდსის გავრცელება საქართველოში
აივ ინფექციის გადაცემის გზები

 

ტექსტში ავტორისეული სტილი და პუნქტუაცია დაცულია

მე ვარ 20 წლის, დავიბადე და გავიზარდე თბილ და მზრუნველ ოჯახში. მყავს არაჩვეულებრივი ულამაზესი, უტკბილესი, უკეთილშობილესი დედა რომელიც ამ ქვეყნად ყველაზე და ყველაფერზე მეტად მიყვარს. მან საკუთარი თავის მოვლა მასწავლა, მასწავლა რომ სულ სიკეთე უნდა ვაკეთე, უნდა ვერიდო ცხოვრებაში შეცდომებს, თუმცა ამდენი შეგონებების მიუხედავად მაინც ვერ ავიცილე თავიდან ცხოვრების “შავი ლაქა”. ჩემს ცხოვრებას ვყოფ ორ ნაწილად: ”ცხოვრება აივამდე და ცხოვრება აივის შემდეგ”. ცხოვრება მარადცვალებადი სანახაობაა, ხან კარგად ვართ, ხან ცუდად. არ არსებობს ადამიანი რომელიც მუდმივად კარგადაა ან მუდმივად ცუდად. ცხოვრების გაუჩერებელი დინება არც ერთის საშუალებას მოქცემს და არც მეორესი. ვთვლი რომ აივი არის ისეთი დაავადება რომელიც არ უნდა ვუარყოთ, არ უნდა გვიშინოდეს, ეს არ არის მომაკვდინებელი, მართვადი დაავადებაა რომელიც პირველ რიგში საკუთარ თავში ნაპოვნი ძლიერი ადამიანით უნდა ვმართოთ. დამერწმუნეთ არიან ადამიანები რომლებიც უფრო სერიოზული პრობლემების წინაშე დგანან. მაგალითისთვის დიაბეტიანები რომლებიც გამუდმებით საათს გაჰყურებენ და საკმარისია 5 წუთით დააგვიანდეთ წამლის მიღება და მორიგი შეტევის გამო მათ ორგანიზმში უამრავი რამ წამიერად იცვლება. ანდაც ეპილეფსიით დაავადებულები რომლებიც შეიძლება ისეთ დროს გაითიშნონ რომ ეს მათთვის სიცოცხლის უკანასკნელი წუთი აღმოჩნდეს. არ ვამბობ რომ აივი კარგი და სასურველია და სხვა ავადმყოფებზე რამით მაღლა ვდგავარ, (მე თანასწორი ვარ როგორც ჯამრთელთან დამოკიდებულებაში ისე ავადმყოფთან). არამედ იმის თქმა მინდა რომ აივის არსებობა “ცხოვრებაში პრობლემას არ მიქმნის არაჩვეულებრივი და უკეთილშობილესი ექიმების წყალობით. მე არაფრის არ მეშინია. მთავარია მე ვიცი ვირუსის არსებობის შესახებ და მჯერა მოვა დრო და მე საბოლოოდ განვიკურნები. იმის გათვალისწინებით, რომ მედიცინა საოცარი სისწრაფით ვითარდება, გჯერა რომ ვაქცინა გამოვა და ბევრი აივ ინფიცირებულები თავს დაახწევენ დაავადებას. აუცილებლად მინდა ვუთხრა მომავალ თაობას როგორც აივ ინფიცირებულმა. ნუ იქნებით გულგრილები საკუთარ თავთან. შეიყვარეთ თქვენი თავი, სხეული, იზრუნეთ საკუთარ თავზე, დააყენეთ იგი ყველა ფასეულობაზე მაღლა, და გახსოვდეთ აუცილებლად ერიდეთ ისეთ ადამიანებს, რომლებმაც შეიძლება რაიმე ზიანი მოუტანონ თქვენს სულიერ და ფიზიკურ ცხოვრებას.

გისურვებთ წარმატებებს!

ახალი ამბები

Copyright © AIDS Center